مطالبات الكترونية تطالب عمرو دياب بقراءة القرآن بصوته

 

دشن عدد من جمهور ومعجبي الفنان عمرو دياب مجموعات على موقع الفيس بوك الاليكتروني تطالبه فيه بقراءة القرآن بصوته وتسجيل هذه القراءة وبثّها على الإنترنت أو طرحها في سي دي وكاسيت، وقال مصممو الجروب في صفحته الرئيسية " نحن كشباب نحلم بأن نستمع للقرآن الكريم بصوت عمرو دياب فنحن نحبه ونحب صوته، وإذا قرأ عمرو القرآن بصوته فسيكون وسيلة جيدة لتقريب عدد كبير من الشباب من قراءة القرآن الكريم، خاصة وأن كثيراً من الشباب لا يقرؤن القرآن إلا نادراً وإذا تذكروه يتذكروه في رمضان فقط".

وأضاف مصممو الجروب " فكرنا باعتبارنا في شهر رمضان الكريم وفيه ناس كتير ما بتعرفش تستفيد بهذا الشهر الاستفادة الصح في وسط الهوجة الإعلامية من مسلسلات وبرامج لا حصر لها، وفيه ناس كتير بتبقى بعيدة عن القرآن ومش بتسمعه ولا بتقراه باستمرار، خاصة في ظل سيطرة الأغاني على شوارعنا ومعظم بيوتنا..

وكمان مع انتشار قرّاء القرآن اللى ممكن تكون أصواتهم لا تثير إعجاب الناس بهم لذلك فكرنا إزاي نعكس الأمر ونفكر في طريقة تخلي الناس تسمع القرآن من حد كلنا بنحبه أو على الأقل له شعبية كبيرة بين جمهور الشباب.. وعلشان كده إحنا بنوجه دعوتنا للفنان عمرو دياب في أن يُفكر في قراءة القرآن بصوته وتسجيله علشان يكون هو حلقة الوصل أو الطريق اللي يوصلنا لهدفنا بين أننا نسمع القرآن دايماً في كل مكان وبين أننا نسمعه من حد بنحبه .. وأكيد لو سمعناه مرة علشان صوته هو هنسمعه بعد كده علشان قيمة وعظمة القرآن نفسه".